pr2-2015 by aungpwe

pr2-2015

ရွေးကောက်ပွဲနား နီးလာတာနဲ့ အမျှ လူထုရဲ့ လှိုင်းတံပိုးထကြွသလို မြင့်မားလာတဲ့ နိုင်ငံရေး နိုးကြားမှုကို အထင်းသား မြင်တွေ့ လာရပါတယ်။ လူထုဟာ အပြောင်းအလဲကို အင်မတန် တောင့်တနေပြီ ဖိနှိပ်မှုတွေ လိမ်ညာသွေးစုပ်မှုတွေကို ထပ်ပြီးသည်းမခံနိုင်တော့ဘူး ဆိုတာကို ကြီးမားကျယ်ပြောလှတဲ့ “လူပင်လယ်” လူထုစုရုံးမှုကြီးတွေကနေ အထင်အရှား ထုတ်ဖော်ပြသနေပါတယ်။

သူတို့ ဟာ ‘ရွေးကောက်ပွဲ’ ဆိုတဲ့ အခွင့်အလမ်းတခုကို အမိအရဆုပ်ကိုင်ပြီး အာဏာ လက်မလွှတ်လိုသူ လူတစုကို အညင်သာဆုံး အငြိမ်းချမ်းဆုံး မောင်းထုတ်ဖို့ ကြိုးစားနေတာပါ။ သာသာပြောလို့ မရရင် နာနာနှက်ဖို့ လည်း ၀န်မလေးတဲ့ သူတွေပါ။ ကမ္ဘာ့ သမိုင်းမှာပဲဖြစ်ဖြစ် ဗမာပြည်သမိုင်းမှာပဲဖြစ်ဖြစ် အရေးကြီးတဲ့ သမိုင်းအချိုးအကွေ့  အလှည့်အပြောင်းတွေကို အများတကာ့ အများစုကြီးဖြစ်တဲ့ အဖိနှိပ်ခံလူထုကြီးကသာ အဆုံးအဖြတ်ပေးခဲ့တာပါပဲ။ အခုလည်း သမိုင်းတွင်မယ့် အဆုံးအဖြတ်တခုကို ဆုံးဖြတ်ဖို့ သူတို့ အဆင်သင့် ဖြစ်နေပါပြီ။

လူထုဟာ တီထွင်ကြံဆနိုင်တဲ့၊ ဖန်တီးနိုင်စွမ်းရှိတဲ့၊ နိုင်ငံရေးတိုက်ပွဲတွေကို လက်ရုံးရည်၊ နှလုံးရည်ပြည့်စွာနဲ့  တိုက်ပွဲဝင်နိုင်သူတွေ ဖြစ်ပါတယ်။ နအဖ စစ်ကောင်စီက အသာတကြည် အာဏာလွှဲပေးခဲ့တဲ့ ဦးသိန်းစိန် အစိုးရ သက်တမ်းတလျှောက်မှာ အလုပ်သမား၊ လယ်သမား၊ ကျောင်းသားတွေရဲ့ တိုက်ပွဲတွေဟာ တခြိမ်းခြိမ်းပါ။ တိုက်ပွဲသဏ္ဌာန်တွေလည်း အစုံအလင်ပါပဲ။ လယ်သမားအရေး၊ အလုပ်သမားအရေး၊ ကျောင်းသားအရေး ကဏ္ဍအလိုက် တိုက်ပွဲကြီးငယ် အသွယ်သွယ်ကို ဆင်နွှဲခဲ့ကြပါတယ်။

အခုတော့ နယ်ပယ်အစုံမှာ ဗိုလ်ကျစိုးမိုးနေဆဲဖြစ်တဲ့ ဒီမိုကရေစီ မျက်နှာဖုံးစွပ် စစ်အာဏာရှင်စနစ်ကို ဆက်လက်သည်းမခံ လိုတော့ကြောင်း အတိအလင်း ဖွင့်အန်လာတဲ့ ရေချိန်အမှတ်တခုကို ရောက်လာပါပြီ။ ဒီမိုကရေစီစနစ်ကို ပြောင်းလဲခဲ့ပြီးပြီလို့ နားလှည့်ပါးချတာကို ဆက်ပြီးသည်းခံကြမှာ မဟုတ်တော့ပါဘူး။

အပြောင်းအလဲကို လိုလားတဲ့ “လူပင်လယ်” ထဲမှာ အလုပ်သမားတွေ၊ မြို့ နေဆင်းရဲသားနဲ့  ကျောမွဲနင်းပြား လယ်သမားတွေပါတယ်၊ စာရေးစာချီ၊ ကျောင်းဆရာ၊ဆရာမစတဲ့ ၀န်ထမ်းတွေပါတယ်၊ ကျောင်းသူကျောင်းသားတွေ ပါတယ်။ လူထုလူတန်းစား အလွှာစုံက ပူးပေါင်းပါဝင် စုစည်းလာနေတယ်။ ဒီပယ်လယ်ကြီးဟာ တစတစ ကျယ်ပြန့် လာနေတယ်။

ဘယ်လိုပင် ခြိမ်းခြောက် တားမြစ်ထားပါစေ မရရတဲ့နည်းနဲ့ ပါဝင်လှုပ်ရှားနေကြတယ်။ ဒါဟာ မတရားအုပ်စိုးမှုကို မလိုလားဘူး။ ပြောင်းလဲမှုကို လိုလားတယ်ဆိုတဲ့သဘောကို ဖော်ပြရုံသာမက ရှေ့လာမယ့် လှုပ်ရှားမှုတွေအတွက် အသင့်ရှိနေတယ်ဆိုတာ ဖော်ပြတဲ့သဘောလည်း ဖြစ်ပါတယ်။ ရဲသွေးရဲမာန် တက်ကြွနေတယ်၊ သူတို့ ရဲ့ စိတ်ဓာတ်တွေ နီမောင်းဝင်းလက်လာနေပါတယ်။ လိုချင်တာ ရကိုရရမယ်ဆိုတဲ့ သံန္နိဌာန်တွေလည်း တနေ့ တခြား ရင့်သန်လာနေတာ အထင်အရှားပါပဲ။

အုပ်စိုးသူ လူတစုကတော့ သူတို့ ထုံးစံအတိုင်း နောက်ဆုံးထွက်သက်တိုင် မီးကုန်ယမ်းကုန် ညစ်ပတ်ယုတ်မာဦးမယ်၊ ဖိနှိပ်ရက်စက်ဦးမယ်ဆိုပြီး တနေ့ တမျိုး မရိုးရအောင် လုပ်နေတယ်။ အတိုက်အခံပါတီတွေ၊ ကိုယ်စားလှယ်လောင်းတွေကို ထိုးနှက်တိုက်ခိုက်၊ ကိုယ်ထိလက်ရောက် အန္တရာယ်ပြုသလို ၀ရမ်းပြေးနေတဲ့ ကျောင်းသားခေါင်းဆောင်တွေကိုလည်း တယောက်ပြီးတယောက် ဖမ်းဆီးရုံးတင်နေတယ်။

နိုင်ငံရေးအကျဉ်းသား လွတ်မြောက်ရေး တောင်းဆိုတိုက်ပွဲဝင်မှပဲ ပိုတိုးပြီးတော့ ဖမ်းပြ၊ ကြမ်းပြ၊ ရမ်းပြနေတယ်။ အစိုးရအာဏာ သက်တမ်းငါးနှစ် ကုန်ခါနီးမှ မီးထတောက်နေတယ်။ သူတို့ ပြုနေကျအတိုင်း ဖမ်းဆီးအကြမ်းဖက် သတ်ဖြတ်ပြီး သမိုင်းရေစီးကို တားဆီးလို့ ရမယ် ထင်နေတယ်။

သမိုင်းသစ်ရေးဖို့ အချိန်တန်ရင်တော့ ဘယ်အရာမှ တားဆီးလို့ ရမှာ မဟုတ်ပါဘူး။ ခေါင်းဆောင်ဆိုသူတွေသာ ဖောက်ပြန်ရင်ဖောက်ပြန်မယ်၊ ဘယ်တော့မှ ဖောက်ပြန်လေ့မရှိတဲ့ လူထုကြီးကတော့ အလံမလှဲစတမ်း တိုက်ပွဲဝင်ပါလိမ့်မယ်။ လိုချင်တာကို ရသင့်ရထိုက်တာကို ငြိမ်းငြိမ်းချမ်းချမ်း အသာတကြည်နဲ့ တောင်းယူလို့ မရရင် တိုက်ယူပါလိမ့်မယ်။

သူရဲကောင်းစစ်စစ်ဖြစ်တဲ့ လူထုကြီးဟာ သမိုင်းသစ်ကို ထုဆစ်ပါလိမ့်ဦးမယ်။

“မဲပေးကြပါအရပ်ကတို့ရဲ့၊ မဲတပြားလောက်ပေးပါ။”

ဒါက ၁၉၅၀ စုနှစ်များတုန်းက ကျင်းပခဲ့တဲ့ ကျောင်းသားပွဲတော်တခုက အမတ်ရူးယိမ်းမှာဆိုတဲ့ ယိမ်းသီချင်းရဲ့ အစပိုဒ်က စာသားတွေပါ။

အောက်တိုဘာလ ၂၉ ရက်နေ့တုန်းက သူ့ရဲ့မွေးဇာတိဖြစ်တဲ့ ဧရာဝတီတိုင်း၊ ငပုတောမြို့နယ် ဥသျှစ်ကုန်းကျေးရွာမှာ မဲတောင်းတဲ့အခါဗိုလ်သိန်းစိန်က “ပြည်သူများလိုလားတဲ့ ဒီမိုကရေစီစနစ်ကို ပြောင်းပြီးပြီ၊ ပြောင်းလဲချိန်တန်ပြီဆိုတာ ဘာကိုပြောတာလဲ။ ကျွန်တော်တို့ကပြောင်းပြီးပြီ”လို့ရဲရဲတင်းတင်းကြီး၊ စိန်ခေါ်သလို ပြောပစ်ခဲ့ပါတယ်။

ဒါပေမဲ့ သူအဲဒီလိုမာနတခွဲသားနဲ့ ပြောတဲ့နေ့မှာပဲ ကျောင်းသားခေါင်းဆောင် ကိုကျော်ကိုကို ကို ဖမ်းဆီးခဲ့သလို ရန်ကုန်တိုင်း သာကေတမြို့နယ်မှာ မဲဆွယ်စည်းရုံးနေတဲ့ ဒီချုပ်အမတ်လောင်းဦးနိုင်ငံလင်းနဲ့ အမျိုးသမီးတွေအပါအဝင် ဒီချုပ်ပါတီဝင်တွေကို စွမ်းအားရှင် တဖြစ်လဲ-ကြံ့ဖွတ်ပါတီဝင်နဲ့ အပေါင်းပါ လူမိုက်တွေက ဓားတွေနဲ့ဝင်ခုတ်တာ၊ အကြမ်းဖက်ရမ်းကားတာတွေ ဖြစ်ခဲ့ပါတယ်။ တိုက်ဆိုင်တာလို့တော့ ပြောနိုင်ပါတယ်။ ဒါပေမဲ့ ကနေ့ဗမာပြည်ရဲ့ အခြေအနေကို ပိုလေးနက်စေတဲ့ တိုက်ဆိုင်မှုလို့ ပြောရပါမယ်။

အဲဒီနေ့တုန်းက ဗိုလ်ကနေ ဦးပြောင်းခဲ့ပြီး ဗိုလ်အခွင့်အရေးတွေ ဆက်လက်ခံစားနေဆဲဖြစ်တဲ့ ဗိုလ်ချုပ်ဟောင်း ဦးသိန်းစိန်ပြောတာကိုက ‘‘ပြောင်းလဲချိန်တန်ပြီဆိုခြင်းမှာ ဘာကိုပြောတာလဲ’’လို့ မောက်မောက်မာမာပြောခဲ့တာ ဖြစ်ပါတယ်။ ဒီချုပ်ကို ရန်ထောင်တာလို့ ထုတ်မပြောရုံတမယ်ပါ။ ပြီးမှ သူကသူတို့လုပ်ခဲ့တဲ့ အပြောင်းအလဲဆိုတာတွေကို စာရင်းလုပ်ပြသွားပါတယ်။

ဒါဖြင့် မေးလိုက်ချင်ပါတယ်။

ဗိုလ်သိန်းစိန်ပြောတဲ့ အပြောင်းအလဲဆိုတာ စစ်တပ်နဲ့ကာလုံလက်ထဲမှာ တိုင်းပြည်အာဏာကို ပုံပေးထားတဲ့ ၂ဝဝ၈ အခြေခံဥပဒေ ပြဋ္ဌာန်းလိုက်တာကို ပြောတာလား။

ဗိုလ်သိန်းစိန်ပြောတဲ့အပြောင်းအလဲဆိုတာ တိုင်းပြည်ရဲ့သဘာဝသယံဇာတအားလုံးကို နိုင်ငံခြားသားတွေနဲ့ သူတို့ ခရိုနီတွေကပဲ အုပ်စီးလိုက်နိုင်တာကိုပြောတာလား။

ဗိုလ်သိန်းစိန်ပြောတဲ့အပြောင်းအလဲဆိုတာ နဂိုကလယ်မြေရှိသူတွေလယ်မြေမဲ့ဖြစ်၊ အလုပ်ရှိသူတွေ အလုပ်လက်မဲ့ဖြစ်၊ မိသားစုနဲ့ တကွဲတပြား ပြည်ပသွား အလုပ်ရှာကြတဲ့အရေအတွက် သန်းချီရှိလာတာကို ပြောတာလား။

ဗိုလ်သိန်းစိန်ပြောတဲ့ အပြောင်းအလဲဆိုတာ ငြိမ်းချမ်းရေးစကားတွေ တွင်တွင်ပြောနေတဲ့အကြားက စစ်အုပ်စုရဲ့ ခါးပိုက်ဆောင်တပ်ကြီး အရေအတွက်ရော၊ လက်နက်တပ်ဆင်မှုပါ အဆမတန်အားကြီးလာတာကို ပြောတာလား။

ဗိုလ်သိန်းစိန်ပြောတဲ့ အပြောင်းအလဲဆိုတာ ပြည်တွင်းစစ်မှာသုံးတဲ့ လက်နက်တွေ ပိုမိုဆန်းပြား၊ ပြင်းထန်လာတာကို ပြောတာလား။

` ဒီရွေးကောက်ပွဲဆိုတာကြီး ပြီးသွားရင် နိုင်ငံ့သယံဇာတတွေနဲ့ အဓိကအာဏာအဆောက်အအုံဟာ ပြည်သူ့လက်ထဲ ရောက်မှာတဲ့လား။

ဗိုလ်သိန်းစိန်က “အခုဟန်းဖုန်းက ဟိုးကျေးလက်ဒေသအထိ ရောက်သွားပြီ” လို့လည်း လက်မထောင်ခဲ့ပါတယ်။ တကမ္ဘာလုံး ဘယ်မှာမှ မရှိဖူးတဲ့ မတန်တဆဈေးတွေနဲ့ ဟန်းဖုန်းတွေရောင်းစားခဲ့ကြပြီး မတတ်သာတော့မှ ဈေးချပေးခဲ့တာ မဟုတ်လား။ အခုလည်း အဲဒီလိုဟန်းဖုန်းတွေ ပျံ့နှံ့လေ သူတို့ခရိုနီတွေ ချမ်းသာလေဆိုတာကိုတော့ သူထည့်မပြောပါဘူး။ သူ ဒီလို ပြောတာဟာ ခေါင်းလျှော်ရည်တွေ ပေါ်လာလို့ အမျိုးသမီးတွေ သန်းမတုပ်ရတာ တိုးတက်မှုပဲ မဟုတ်လားဆိုပြီး မဲဆွယ်ပြောဟောနေတဲ့ သူ့မိုက်ဖော်ဆိုးဖက်တွေနဲ့ တလေသံတည်းတူနေတဲ့ အူကြောင်ကျား စကားတွေပါ။ ဒါ့အပြင် ဗိုလ်သိန်းစိန်က ကျန်းမာရေး၊ ပညာရေးဘက်တွေမှာလည်း အပြောင်းအလဲကြီး ပြောင်းခဲ့တယ်လို့လည်း ပြောခဲ့ပါသေးတယ်။ ကျန်းမားရေးဌာနမှာ အရင်လိုပဲ စစ်တပ်က လူတွေ ခန့်တာကြောင့် ဆရာဝန်တွေရဲ့ ဖဲကြိုးနက်လှုပ်ရှားမှု ပေါ်ပေါက်ကြီးထွားလာနေပြီး အခြားအလားတူဖဲကြိုးရောင်စုံ လှုပ်ရှားမှုတွေ ပေါ်နေတာဟာ ပြောင်းသလား မပြောင်းလားဆိုတာကို ပြနေတာပါ။ ပညာရေးဘက်မှာ ပြောင်းမပြောင်းကတော့ သာယာဝတီအကျဉ်းထောင်နဲ့ တခြားအကျဉ်းထောင်အသီးသီးမှာ အကျဉ်းကျနေကြတဲ့ ကျောင်းသားတွေကို မေးကြည့်တာ ပိုကောင်းပါမယ်။ ဒါကြောင့်မို့် ဒီစစ်ဗိုလ်ချုပ်တွေ မျက်နှာထူတာတော့ မပြောင်းလဲသေးဘူးလို့ ပြောရပါလိမ့်ယ်။

ဒီတခါ ရွေးကောက်ပွဲပြီးရင် အာဏာအဆောက်အအုံရဲ့ အဓိကဒေါက်တိုင်တွေဖြစ်တဲ့ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာဝန်ကြီးတွေဟာ အရပ်သားထဲက ဖြစ်လာနိုင်သလား။

၂ဝဝဂ ဖွဲ့စည်းပုံထဲမှာ အဲဒီလို ပြောင်းလဲမရတဲ့ကိစ္စတွေ အများကြီး ပြဋ္ဌာန်းထားတာကို သူကအားကိုးပြီး ပြောနေတာ ဖြစ်ပါတယ်။ ဗိုလ်သိန်းစိန်တို့တတွေရဲ့နောက်မှာ ဖွဲ့စည်းပုံအခြေခံဥပဒေ၊ ဖွဲ့စည်းပုံအခြေခံဥပဒေရဲ့နောက်မှာစစ်တပ်။ အဲဒီ နိယာမကြီး မပြောင်းလဲသရွေ့ ဘာမှမပြောင်းလဲဘူးလို့ ဆိုရမှာပါ။

ဗိုလ်သိန်းစိန်က သူ့မိန့်ခွန်းတနေရာမှာ “နောက်ထပ် ပြောင်းဖို့ကတော့ အခြားမရှိတော့ဘူး ကွန်မြူနစ်ပဲ ရှိတော့တယ်”လို့ အငေါ်တူးသလို ပြောသွားတာ သတိထားမိကြမယ် ထင်ပါတယ်။ သမ္မတတန်မဲ့နဲ့ ပြောတဲ့စကားမို့ အောချစရာတော့ ကောင်းပါတယ်။ ဒီနေရာမှာ တခုပဲမေးချင်ပါတယ်။ ကွန်မြူနစ်စနစ်ဆိုတာ ပါတီကတပ်ကို အမိန့်ပေးတာ၊ ဗိုလ်သိန်းစိန်တို့အစိုးရ အဲဒီလို လုပ်နိုင်စွမ်းရှိပါသလားလို့။