ခရိုနီများအတွက် စားကွက်ဖန်တီးပေးသော ဗိုလ်တင်အေးကော်မရှင်

By | June 1, 2014

မေလ ၂၂ ရက်စွဲဖြင့် ဗိုလ်တင်အေးလက်မှတ်ထိုးထားသော နိုင်ငံရေးပါတီများအတွက် “အခွန်လွတ်ကားတင်သွင်းခွင့်” နှင့် “ပါတီရုံးခန်းဖွင့်ရေး တိုက်ခန်း (သို့) မြေနေရာချပေးရန်” သမ္မတရုံးသို့ တင်ပြထားတယ်ဆိုတဲ့ကိစ္စ။

“အခွန်လွတ်ကားတင်သွင်းခွင့်”

“အခွန်လွတ်ကားတင်သွင်းခွင့်” ဆိုတာဟာ ဗိုလ်သိန်းစိန် ကြံ့ဖွံ့အစိုးရအနေနဲ့ ခရိုနီများလက်ကို အခွန်လွတ်ကားတင်သွင်းခွင့် တိုက်ရိုက်ချပေးလိုက်ရင် ပြဿနာ ကြီးနိုင်တဲ့အတွက် ဗိုလ်တင်အေးကော်မရှင်က ကြားပွဲစားလုပ်ကာ နိုင်ငံရေးပါတီတွေက အမည်ခံ/ ဓါးစားခံ လုပ်ကြရခြင်းဖြစ်ပါတယ်။

ထို့အပြင် ဗိုလ်သိန်းစိန်ကြံ့ဖွံ့အစိုးရ၊ ဗိုလ်တင်အေးကော်မရှင်နှင့်ခရိုနီတို့၏ စံကျသော သုံးပွင့်ဆိုင် (win – win) စီးပွားရေး စားပေါက်ထွင်မှု တစ်ခုဖြစ်ပြီး လာဘ်ပေးလာဘ်ယူမှုတစ်ခုလည်း ဖြစ်ပါတယ်။

စီးပွားရေးဘက်ကတွက်လျှင် တစ်ပါတီကား ၅ စီးနှုန်းဖြင့် ပါတီပေါင်း ၆၅ ပါတီအတွက် စုစုပေါင်းအခွန်လွတ်ကား ၃၂၅ စီး တင်သွင်းခွင့်ရရှိစေမယ့် သေချာပေါက် မြိုးမြိုးမြက်မြက်ရမည့်ဂွင်ကြီးလည်း ဖြစ်ပါတယ်။

ပါတီပေါင်း ၆၅ ပါတီအနက် ကား ၅ စီးတင်သွင်းနိုင်တဲ့ပါတီ အရေအတွက်က ပါတီစုစုပေါင်းရဲ့အစွန်းထွက်ပမာဏပင် မရှိ တာကို ဗိုလ်သိန်းစိန်၊ ဗိုလ်တင်အေးတို့နဲ့အမြီးစားဖက်ခေါင်းစားဖက် ခရိုနီများက ကောင်းကောင်းသိပါတယ်။ ကားပါမစ်အားလုံးနီးပါး သူတို့ထံ စီးဝင်ရောက်ရှိလာမှာကိုလည်း အပိုင်တွက်ချက်ထားပြီးသားဖြစ်ပါတယ်။

လက်ရှိအခြေအနေတွင် သတင်းစာ၊ ဂျာနယ်စသော ပုံနှိပ်မီဒီယာများနှင့်နိုင်ငံရေးပါတီအများစုမှာ မော်ဒယ်သရုပ်ဆောင်များ ကဲ့သို့ စပွန်ဆာပေးမည့်သူကို မျှော်ရသည့်ဘဝ၊ ခရိုနီများ၏ ခါးပိုက်ဆောင်ဘဝ ဖြစ်ပါတယ်။ ပါတီအများစုမှာ ရရှိလာမယ့် ကားပါမစ်ကို လက်လွှဲရောင်းစားကြမှာသာ ဖြစ်ပါတယ်။ ယခုအချိန်ဆိုလျှင် ထိုတင်သွင်းခွင့်ပါမစ်များအားလုံး ကြိုရောင်းကြိုဝယ်ပင်ဖြစ်နေလောက်ပြီ။

“ပါတီရုံးခန်းဖွင့်ရေး တိုက်ခန်း (သို့) မြေနေရာချပေးရန်”

နိုင်ငံရေးပါတီများကို အစိုးရ၏အထောက်အပံ့ခံပါတီဘဝ၊ အစိုးရလက်အောက်ခံပါတီဘဝသို့ မရောက်ရောက်အောင် သွတ် သွင်းပေးနေခြင်းလည်း ဖြစ်ပါတယ်။

ဗိုလ်တင်အေးသည် နိုင်ငံရေးပါတီများအတွက် သွားလာရေးသာမက၊ နေရေးထိုင်ရေး (ပါတီရုံးခန်းဖွင့်ရေး) အတွက်ပါ ရတက် မအေးနိုင်ရှာသူ ဖြစ်ပါတယ်။ ပါတီဌာနချုပ်ရှိရာ မြို့ကြီးပြကြီးများ၊ တိုင်းဒေသကြီး၊ ပြည်နယ်၊ ခရိုင်၊ မြို့နယ်များမှာပါ တိုက်ခန်းသို့မဟုတ် မြေကွက်ရရှိရေးကိုပါ စီမံပေးနေပါတယ်။ နိုင်ငံတော်ပိုင်အဆောက်အဦး (သို့မဟုတ်) မြေနေရာပေးရေးအတွက် “လမ်းညွန်မှုပြုဆောင်ရွက်ပေးရန်တင်ပြ” တယ်ဆိုပြီး သမ္မတရုံးသို့ လိပ်မူလျက် စည်းဝါးရိုက်ထားပါတယ်။

အစိုးရ၊ စစ်တပ်၊ နှင့် ခရိုနီများက အကြောင်းအမျိုးမျိုးပြပြီး အဓမ္မသိမ်းပိုက်ထားသော မိမိတို့ပိုင်လယ်မြေယာမြေများကို လယ်သမားများက လက်ဝယ်ပြန်လည်ရရှိရေးတိုက်ပွဲတွေ တခြိမ်းခြိမ်းဆင်နွှဲနေကြချိန်တွင် နိုင်ငံရေးပါတီများအတွက် နိုင်ငံတော်ပိုင် အဆောက်အဦး (သို့မဟုတ်) နိုင်ငံတော်ပိုင်မြေနေရာပေးရေးဆိုသည်မှာ လယ်သမားများနှင့် နိုင်ငံရေးပါတီများကို ရန်တိုက်ပေးခြင်းဖြစ် ပါတယ်။

တိုင်းပြည်အနှံ့ ဖြစ်ပွားပေါ်ပေါက်နေသော လယ်သမားများရဲ့ ထွန်တုံးတိုက်ပွဲများ၊ လက်ငုတ်လက်မလွတ်ရေးတိုက်ပွဲများကို လျစ်လျူရှုနေကြသော နိုင်ငံရေးပါတီများအနေဖြင့် ကြံဖွံ့အစိုးရက ချပေးမယ့် မြေနေရာကိုယူကြမယ်ဆိုလျှင် အမြင်တိုပြီး မိုက်မဲရာကျပါ လိမ့်မယ်။ ထုိ့အပြင် နိုင်ငံတော်ပိုင်အဆောက်အဦး (သို့မဟုတ်) မြေနေရာကို ယူလိုက်ခြင်းအားဖြင့် ကြံ့ဖွံ့ပါတီ၊ (တစည) ပါတီတို့ ကဲ့သို့ တိုင်းပြည်ပိုင်ပစ္စည်း (အဆောက်အဦး၊မြေ၊ယာဉ်၊ငွေကြေး) မောင်ပိုင်စီးထားမှုများကို တရားဝင်လည်းဖြစ်စေ၊ အကာအကွယ် ပေးပြီးသားလည်းဖြစ်စေပြီး အခြားပါတီများက ထိုအချက်ကို တိုက်ကွက်မဆင်နိုင်အောင် သူခိုးသေဖော်ညှိလိုက်ခြင်းသာ ဖြစ်ပါတယ်။

ဒီလိုနဲ့ပဲ“၂၀၀၈အခြေခံဥပဒေ”၊ စစ်ဗိုလ်အမတ်တစ်မတ်သားနဲ့ ကြံ့ဖွံ့ပါတီဘက်မှ ဗြောင်ရပ်တည် ကာကွယ်ပေးတဲ့၊ ရွေးကောက်ပွဲကော်မရှင်လုပ်ငန်းများမှာ စစ်ဗိုလ်များကိုသာ ခန့်အပ်နေတဲ့၊ နိုင်ငံရေးပါတီများအပေါ် “ကြီးကြပ်ခြင်း” ခြင်းဟုဆိုကာ ဖိနှိပ်ချုပ်ချယ် မှုများ၊ တားမြစ်ကန့်သတ်မှုများ ထင်သလိုပြုကျင့်နေတဲ့၊ ဗိုလ်တင်အေးကော်မရှင်ဟာ ယခုအခါ အခွန်လွတ်ကားတင် သွင်းနိုင်ရေးနဲ့ အိမ်ခြံမြေပွဲစားအလုပ်ကိုပါ ပြိုင်ဘက်မရှိ ဂွင်ချဲ့၍လုပ်ကိုင်လာခဲ့ပါပြီ။

ကြံ့ဖွံ့အစိုးရ၏ “စည်းကမ်းပြည့်ဝသောဒီမိုကရေစီ” ဘောင်ထဲ၌ “အတိုက်အခံပါတီ” ဟူ၍မရှိဟု ပြောဆိုနေသော အချက်မှာ မှန်လှပေစွ။ နိုင်ငံရေးပါတီများမှာ အုပ်စိုးသူများ/ခရိုနီများ၏ ပေးသမျှ၊ကမ်းသမျှကိုယူကြရမယ့် ကျေးဇူးခံကျေးဇူးစားပါတီ၊ လက်ဝေခံ ပါတီ၊ လက်လွှဲရောင်းပါတီ၊ စပွန်ဆာပါတီ၊ ခရိုနီခါးပိုက်ဆောင်ပါတီများ ဘဝသို့ တစတစသက်ဆင်းကျရောက်နေကြရပါတယ်။

ပြည်သူ့အကျိုးဆောင်ရွက်မယ့် နိုင်ငံရေးပါတီမှန်သမျှဟာ ပြည်တွင်းပြည်ပနိုင်ငံရေး၊စီးပွားရေး အနှောင်အဖွဲ့များမှ ကင်းရှင်းဖို့ အထူးလိုအပ်ပါတယ်။ ဒီလိုအနှောင်အဖွဲ့အမျိုးမျိုး ကင်းရှင်းလွတ်လပ်မှသာ မည်သူ့မျက်နှာ၊ မည်သူ့အကျိုးစီးပွားကိုမျှ ထောက်ထား ငဲ့ကွက်နေစရာ မလိုဘဲ၊ ပြည်သူ့အကျိုးတစ်ခုတည်းကိုသာ ထိထိရောက်ရောက် ထက်ထက်မြက်မြက် သယ်ပိုးဆောင်ရွက်နိုင်ပါလိမ့်မယ်။

Leave a Reply

Your email address will not be published. Required fields are marked *