လူ့ဘောင်သစ်ဒီမိုကရက်တစ်ပါတီဌာနချုပ်ဗမာပြည်။
၂၀၂၃ ခုနှစ်၊ အောက်တိုဘာ ၁၄ ရက်။ သို့ လူ့ဘောင်သစ်ဒီမိုကရက်တစ်ပါတီဌာနချုပ်ဗမာပြည်။ အကြောင်းအရာ။ ။ ရဲဘော်တို့၏ပါတီတည်ထောင်ခြင်း ၃၅ နှစ်ပြည့်မြောက်ခြင်းအတွက် သဝဏ်လွှာပေးပို့ခြင်း။ ရဲဘော်များခင်ဗျား- ဗမာပြည်၏ ရှစ်လေးလုံးအရေးတော်ပုံကြီးနှင့်အတူ ပေါ်ထွက်လာခဲ့သော သင်တို့၏လူ့ဘောင်သစ်ဒီမိုကရက်တစ်ပါတီ တည်ထောင်ခဲ့သည်မှာ (၃၅) နှစ် တင်းတင်းပြည့်ပြီဖြစ်ကြောင်းသိရသောကြောင့် ဦးစွာအားဖြင့် ကျွန်တော်တို့အနေဖြင့် ရှစ်လေးလုံးအရေးတော်ပုံကြီးနှင့် လက်ရှိနွေဦးတော်လှန်ရေးကြီးအတွင်း ပုံစံအမျိုးမျိုးဖြင့်ပါဝင်ခဲ့ကြသော သင်တို့အားလည်းကောင်း၊ ဗမာပြည် ပြည်သူလူထုကြီးအားလည်းကောင်း လေးစားစွာဖြင့် ဂုဏ်ပြုနှုတ်ခွန်းဆက်သလိုက်ပါသည်။ ဆိုးဝါး၊ ယုတ်မာ၊ ရက်စက်လှသော စစ်အာဏာရှင်များ၏ ဖိနှိပ်အုပ်ချုပ်မှုအောက်၌ လူ့ဘောင်သစ်ဒီမိုကရက်တစ်ပါတီ ယခုကဲ့သို့ (၃၅) နှစ်မျှ ရပ်တည်လှုပ်ရှားနိုင်ခဲ့ခြင်းကို အသိအမှတ်ပြု၊ ချီးကျူးအပ်ပါသည်။ ကောက်ကျစ်ယုတ်မာသော စစ်အာဏာရှင်များသည် သူတို့က ရက်ရက်စက်စက်သတ်ဖြတ်နေသည့်အကြားက ပေါ်ထွက်ထွန်းပြောင်လာခဲ့သော သင်တို့၏ပါတီကို မည်မျှအညှိုးထား၊ မုန်းတီးမည်ဆိုသည်မှာ အထူးပြောဖွယ်မရှိပင် ဖြစ်သည်။ သို့တိုင်အောင် အခက်အခဲကိုမကြောက်၊ ရက်စက်မှုကို ထီမထင် ဆက်လက်ချီတက်နေကြခြင်းမှာ ရဲဘော်တို့ လူ့ဘောင်သစ်ဒီမိုကရက်တစ်ပါတီ၏ ဂုဏ်လက္ခဏာတစ်ရပ်ဟုပင် မဖုံးမကွယ်အသိအမှတ်ပြုရပါမည်။ ထို့နည်းတူ ရဲဘော်တို့ပါတီအနေဖြင့် မိမိတို့အလံနှင့်အခန်းကဏ္ဍကို ဆက်လက် ထိန်းသိမ်းရွက်ဆောင်ကာ ပြည်သူလူထုကြီးနှင့်အတူ ချီတက်ကြမည်ဟုလည်း… Read More »