Category Archives: စိန္ရတုအထိမ္းအမွတ္

စစ်အာဏာရှင်တွေမျက်လှည့်ပြဖို့ပြင်နေပြန်ပြီ

စစ်အာဏာရှင်တွေမျက်လှည့်ပြဖို့ပြင်နေပြန်ပြီ (ရဲဘော်ဖိုးသံချောင်း) ပြီးခဲ့တဲ့ဧပြီလ ၂၂ရက်နေ့က ဗိုလ်မင်းအောင်လှိုင်က မြဝတီရုပ်သံလွှင့်ရာကနေပြီး တိုင်းရင်းသားခေါင်းဆောင်တွေနဲ့တွေ့မယ်၊ EAO ခေါင်းဆောင်တွေကို သူကိုယ်တိုင်လက်ခံ တွေ့မယ်၊ ဆွေးနွေးပြောဆိုချင်တယ်လို့ ကြေညာသွားပါတယ်။ အမှန်ပါပဲ။ သူ့ရဲ့ပြောစကားနဲ့လုပ်ရပ်ကြောင့် ဗမာပြည်နိုင်ငံရေးနယ်ပယ်မှာအတော် လှုပ်ရှားသွားပါတယ်။ “သို့လော၊ သို့လော”ပေါင်းများစွာ ပေါ်ထွက်လာပါတယ်။ သူပြောတာနဲ့တပြိုင်တည်းလိုလို ဒီတိုင်းပြည်အတွင်းမှာမြည်ဟည်း-ကြားနေရတာကတော့ တောင်ပေါ်နဲ့ မြေပြန့် မကျန် အနယ်နယ်အရပ်ရပ်က သေနတ်သံ၊ ဗုံးသံတွေပါပဲ။ နောက်ပြီး ပြည်သူလူထု တွေရဲ့ အော်ဟစ်ငိုမြည်သံနဲ့ တက်ခေါက်သံတွေပါ။ ဒီလိုအချိန်မျိုးမှာမှ စစ်အာဏာရှင်တွေက လေသံပျော့ပျော့၊ မျက်နှာရဲရဲနဲ့ပြောလာ တော့ တလောလေးကမှသူတို့က ပီဒီအက်ဖ်လိုပုန်ကန်သူတွေကို အပြတ်နှိမ်နင်းမယ်လို့ ကြုံးဝါးခဲ့တာကိုအားလုံးပြန်သတိရမိကြပါတယ်။ ဗိုလ်မင်းအောင်လှိုင်နဲ့တကွ စစ်အုပ်စုဝင်တွေရဲ့ ဒီလိုလုပ်ရပ်နဲ့စကားတွေကိုနားလည်ဖို့ဆိုရင် သူတို့ပြောသမျှကြေညာသမျှနဲ့ နားလည်ယူလို့မဖြစ်ဘူးဆိုတာ ဗမာပြည်နိုင်ငံရေး အကြောင်းသိတဲ့လူတိုင်းသဘောပေါက်ကြပါတယ်။ အခုအခါမှာ သင်းတို့တတွေ စစ်ရေး အရ နယ်စပ်မှာရော မြေပြန့်မှာပါ အထိနာနေ၊ သူတို့ရဲ့တပ်သားနဲ့အဆင့်အသီးသီးဗိုလ်တွေ CDM လုပ်တာတွေနဲ့ဆက်စပ်စဉ်းစားရမှာပါ။ ဗမာပြည်သားတွေကတော့ စစ်အုပ်စုထိပ်သီးတွေ ပါးစပ်ဟလိုက်တာနဲ့ အူတွေဘယ်လိုလိမ်ကောက်နေတယ်ဆိုတာကို မြင်ပြီးသားဖြစ်ပါ တယ်။ အခုဒီခြေလှမ်းဟာ သင်းတို့တတွေအားကြီးလို့(သဘောထားကြီးလို့လို့မဆိုပါ) လှမ်း တဲ့ခြေလှမ်းမဟုတ်ဘဲ စိုးရိမ်စရာအခြေအနေတွေနဲ့… Read More »

ယူကရိန်းနဲ့ဗမာပြည် ထပ်တူမပြုကြနဲ့

ယူကရိန်းနဲ့ဗမာပြည် ထပ်တူမပြုကြနဲ့ (လတ်တလောအခြေအနေ သုံးသပ်ချက်) မြစမ်းအေးယူကရိန်းစစ်ပွဲက ရုရှားနဲ့ ယူကရိန်းဖြစ်တာ၊ ပြည်ပကဝင်ရောက် တိုက်ခိုက်တာ။ ဗမာပြည်မှာက ပြည်တွင်းစစ်။ နှစ်ပေါင်းများစွာ ဖိနှိပ်အုပ်ချုပ်လာတဲ့ စစ်အစိုးရကို လူမျိုးပေါင်းစုံ ပြည်သူလူထုကြီးက လက်နက်ကိုင်ဆန့်ကျင်လာတဲ့ နွေဦးတော်လှန်ရေး ဖြစ်တယ်။နောက်ခံအကြောင်းချင်း မတူဘူး။ ယူကရိန်းက ဆိုဗီယက်ပြိုကွဲပြီး ပေါ်ပေါက်လာတဲ့နိုင်ငံ။ အနောက်အုပ်စုက sponsor ပြု၊ ပံ့ပိုးထားတဲ့ အရောင်တော်လှန်ရေးနဲ့အတူ မင်းပြောင်းမင်းလွှဲ regime change ဖြစ်လာတဲ့နိုင်ငံ။ ဗမာပြည်က လွတ်လပ်တဲ့ အချုပ်အခြာအာဏာပိုင်နိုင်ငံ ဖြစ်သော်လည်း၊ နယ်ချဲ့ပေါင်းစုံကိုမှီခိုပြီး အချိန်အခါအလိုက် အရောင်ပြောင်းတတ်တဲ့ ဖက်ဆစ်စစ်အစိုးရ နှစ်ပေါင်း များစွာ ခြယ်လှယ်လွှမ်းမိုးလာတဲ့နိုင်ငံ ။ယူကရိန်းက စက်မှုအရင်းရှင်စနစ် ဖွံ့ဖြိုးတဲ့ အလယ်အလတ်ဆင့် ဥရောပနိုင်ငံ။ ဗမာပြည်က ဖွံ့ဖြိုးမှုအနိမ့်ဆုံး စာရင်းဝင် ခေတ်နောက်ကျတဲ့ လယ်ယာစိုက်ပျိုးရေး အာရှနိုင်ငံ။ယူကရိန်းက NATO စစ်အုပ်စု အရှေ့ဘက်တိုးချဲ့ရင်း ရုရှားလုံခြုံရေးကို ခြိမ်းခြောက်လာမှုနဲ့အတူ အမေရိကန်-ရုရှား ထိပ်တိုက်တိုးရာက အနေမတတ်လို့ ဓားစာခံဖြစ်ရတဲ့ အခြေအနေ။ ဗမာပြည်မှာ အိမ်နီးချင်းနိုင်ငံတွေ ဘယ်သူ့ဘယ်သူမှ စစ်ဖြစ်နေတာမဟုတ်ဘူး။ နှစ်ပေါင်းများစွာ ဘန်ဒေါင်းမူအရ… Read More »

လူထုဟာ သမိုင်းဖန်တီးသူပါ

လူထုဟာ သမိုင်းဖန်တီးသူပါညီဌေးကျော် အာဆီယံအထူးကိုယ်စားလှယ် ကမ္ဘောဒီးယားနိုင်ငံခြားရေးဝန်ကြီး ပရာ့ဆော့ခွန် Prak Sokhonm ရဲ့ မြန်မာပြည်ခရီး (မတ်၂၁-၂၃)ဟာ အူကြောင်ကြောင်နဲ့ ပြီးဆုံးသွားပါတယ်။ သူ့ခရီးစဉ်နဲ့ပတ်သက်လို့ အထူးကိုယ်စားလှယ်က (မြန်မာ့အရေးက ရှုပ်ထွေးတဲ့အတွက် ဒါကိုဖြေရှင်းဖို့ အချိန်ကြာကြာလိုအပ်တယ်။ ဒါ့ကြောင့် ကမ္ဘောဒီးယားက အာဆီယံဥက္ကဋ္ဌတာဝန် ယူထားတဲ့ ဒီနှစ်အတွင်း ဖြေရှင်းနိုင်မှာ မဟုတ်ဘူး) လို့ ပြောပါတယ်။ အထူးကိုယ်စားလှယ်ရဲ့ ခရီးစဉ်အတွက် ကမ္ဘောဒီးယားဝန်ကြီးချုပ် ဟွန်ဆန်ဟာ အာဆီယံခေါင်းဆောင်များအပြင် အမေရိကန်၊ အီးယူ၊ တရုတ်၊ ဂျပန်၊ ကုလ စတဲ့ နိုင်ငံအသီးသီးက ခေါင်းဆောင်များ သံတမန်များနဲ့ ကြိုတင်တွေ့ဆုံညှိနှိုင်းခဲ့တာပါ။ ဒီအရင်ကလည်း ဟွန်ဆင် မြန်မာပြည်လာပြီး (ဇန္နဝါရီ ၇) မင်းအောင်လှိုင်နဲ့ တွေ့ခဲ့တုန်းကလည်း (သြစတေးလျနိုင်ငံသား ရှောင်တာနယ် လွတ်တော့မယ်ဆိုပြီး) မှားယွင်းတဲ့သတင်းစကား ပေးမိခဲ့လို့ ပြန်တောင်းပန်ခဲ့ရပါတယ်။ ယခုအထူးကိုယ်စားလှယ်ရဲ့ ခရီးစဉ်ဟာလည်း ယခင်ဟွန်ဆန်ခရီးစဉ်လိုပဲ လက်ဗလာနဲ့ပဲ ပြန်လာခဲ့ရတာပါ။ မင်းအောင်လှိုင်ထံမှ အကြမ်းဖက်မှုတွေရပ်ရေး၊ နိုင်ကျဉ်းများလွှတ်ရေး၊ တွေ့ဆုံဆွေးနွေးရေး အပါအဝင် အာဆီယံဆုံးဖြတ်ချက် ၅ ရပ်ဆိုတာကို စဉ်းစားပေးပါမယ်လို့ ချွေးသိပ်စကားသာ… Read More »

၂၀၂၂အောင်ပွဲတွေနဲ့ ပြည့်လျှမ်းနေပါစေ ညိုစိန်ဝင်း

၂၀၂၂အောင်ပွဲတွေနဲ့ ပြည့်လျှမ်းနေပါစေ ညိုစိန်ဝင်း အခြေခံကျကျကြည့်ရင် ကာလရှည်ကြာ စုပုံလာခဲ့ပြီး ပိုမိုသည်းသန်လာဆိုးဝါးလာနေတဲ့ နိုင်ငံရေး စီးပွားရေးနဲ့ တခြားလူမှုရေးဒုက္ခများအပြင် ကိုဗစ်ရောဂါကပ် ဒဏ်များကြောင့် မခံမရပ်နိုင်ဖြစ်လာတဲ့ ပြည်သူများရဲ့ ခုခံဆန့်ကျင်မှုကို ဗြောင်ကျတဲ့ ဖက်ဆစ်အာဏာနဲ့ရင်ဆိုင်ဖို့အတွက်၊ တိုက်ရိုက် နိုင်ငံရေး အရကြည့်ရင် ရွေးကောက်ပွဲရလဒ်ဖျက်ဖို့အတွက် စစ်အုပ်စုက အာဏာသိမ်းလိုက်တာပဲ။ ဒါပေမဲ့ တကယ် ပျက်သုဉ်းတဲ့လမ်းကြောင်းပေါ် ရောက်သွားတာ သူတို့ပဲ။ ပြည်သူ့ ခုခံဆန့်ကျင်မှုကြောင့် သူတို့အာဏာ ထိန်းချုပ်မရအောင်၊ မတည်ငြိမ်အောင် ပျက်သွားတယ်။ “စစ်အုပ်စု ကို နိုင်ငံရေး ဦးဆောင်နေရာ မပေးရုံမက စစ်အာဏာရှင်စနစ်ကို အမြစ်ပါမကျန် ဖျက်ဖို့အထိ ပြတ်ပြတ်သားသား ရည်ရွယ်တဲ့ လက်နက်ကိုင် အဆင့်အထိပါ တက်လှမ်း လာခဲ့တဲ့ ပြည်သူလူထုရဲ့ ဇွဲနဘဲကြီးတဲ့ အုံကြွမှုကြောင့် စစ်အုပ်စု ဟာ အကျပ်အတည်း ဒုက္ခ လှလှကြီးတွေ့ နေရတယ်။ ဒီတနှစ်အတွင်း ပျက်သုဉ်းကျရှုံးမှုလမ်းကြောင်းမှာ သူတို့ ပိုပြီးပိုပြီး လျင်မြန်စွာ ဆုတ်ယုတ်ပျက်စီးမှုတွေ ဖြစ်ခဲ့တယ်။ အဖိနှိပ်ခံပြည်သူလူထုဘက်၊ တော်လှန်ရေးဘက်ကတော့ ဒါနဲ့ ဆန့်ကျင်စွာ ဖြစ်ထွန်းတိုးတက်မှုလမ်းကြောင်းပေါ် ရောက်လာတယ်။… Read More »

ဖက်ဆစ်စစ်တပ်အမြစ်ဖြတ်

ဖက်ဆစ်စစ်တပ်အမြစ်ဖြတ် ကိုတူး ဗမာပြည်အရေး ကြားဝင်လာတဲ့ ကမ္ဘောဒီးယားသမ္မတဟွန်ဆန် နဲ့ ကုလအထူးသံ နိုလင်းဟေဇာတို့က မင်းအောင်လှိုင် ဖက်ဆစ်စစ်တပ်ကို လျစ်လျူရှုလို့ မရ၊ ညှိနှိုင်းဆွေးနွေးဖို့လိုကြောင်း ထုတ်ဖော်လာမှုဟာ အဖိနှိပ်ခံ လူမျိုးပေါင်းစုံပြည်သူတရပ်လုံးရဲ့ ဝိုင်းဆန့်ကျင်တာခံရလို့ ပြန်ရုပ်သိမ်းသွားပါတယ်။ ဗမာပြည်နွေဦးတော်လှန်ရေး တနှစ်ပြည့်မြောက်ချိန်မှာ မြို့တွေပေါ်မှာ တိတ်ဆိတ်ငြိမ်သက်သပိတ်နဲ့ လူငယ်များရဲ့နီရဲတဲ့သွေး လှုပ်ရှားမှုများနဲ့အတူ တပြည်လုံးအနှံ့ပျံ့နှံ့လာတဲ့ လက်နက်ကိုင်တော်လှန်ရေး သေနတ်သံတွေက ပြည်သူတရပ်လုံး ပိုမိုသွေးစည်းညီညွတ်ပြီး စစ်အုပ်စုကို ရန်-ငါစည်းပြတ်ကြောင်း သိသာပါတယ်။ စစ်ကောင်စီက တန်ပြန်သပိတ်အဖြစ် ငွေထုပ်ပိုက်ပြီး အမိန့်ထုတ် လူစည်အောင်လုပ်ပေမယ့် ကျီးနဲ့ဖုတ်ဖုတ်ပါပဲ။ နွေဦးတော်လှန်ရေးအတွင်း ပြည်သူတွေဟာ ကိုယ့်တပ်ကိုယ်ဖွဲ့တယ်၊ ကိုယ့်လက်နက်ကိုယ် ထုတ်တယ်၊ ကိုယ့်ပြည်သူအချင်းချင်းထံမှာ စစ်ပညာကိုသင်တယ်၊ တိုက်ပွဲအတွင်းမှာ ထုသားပေသားကျလာတယ်။ ရန်သူ့လက်နက်ကိုယ့်လက်နက် ဖြစ်လာတယ်။ ကိုယ့်ပြည်သူလူထုရဲ့ စိတ်ခွန်အားရုပ်ခွန်အား အားပေးထောက်ခံမှုနဲ့ ကိုယ့်အားကိုယ်ကိုးပြီး ဖက်ဆစ်စစ်တပ်ကို တစည်းတလုံးတည်း ခုခံတော်လှန်ရင်း မရှိရာကရှိရာသို့ တစတစ ဖြစ်ပေါ်တိုးပွားလာတယ်။ အခက်အခဲအကျပ်အတည်းကြားကပဲ ပြည်သူချင်းဖေးမလို့ ဝမ်းနည်ကြေကွဲမှုကို ခွန်အားအဖြစ် ပြောင်းကာ သန္နိဋ္ဌာန်ချ အသက်စွန့်ရန်မကြောက် အခက်အခဲကျော်လွှား အောင်ပွဲအရယူမယ့် ပိုင်းဖြတ်ချက်တွေ ခိုင်မာလာတယ်။… Read More »

နွေဦးတော်လှန်ရေး သမိုင်းဆိုင်ရာ•

နွေဦးတော်လှန်ရေး သမိုင်းဆိုင်ရာ• မောင်သန်းမြရွှေ မီဒီယာ က ကြားသိရတဲ့သတင်းတွေအရ မင်းအောင်လှိုင်ရဲ့ စစ်ဆင်ရေးတွေ အထိအခိုက်အကျအဆုံး များလာတယ်။ ခြေလျင်တပ်တွေ အထိနာလာလို့ လေကြောင်းနဲ့ လက်နက်ကြီးအကူ မပါရင် မတိုက်ရဲဘူးဖြစ်လာတယ်။ အထိအခိုက်များလာတော့ စစ်ကောင်စီနဲ့ ကြေးစားတပ်ဟာ ပိုကြမ်းလာတယ်။ ကြွက်မနိုင်ကျီမီးနဲ့ရှို့ လုပ်နေတယ်။ မြို့တွေရွာတွေ၊ လူနေအိမ်တွေကို မီးရှို့ဖျက်ဆီး လုယက်သတ်ဖြတ်တာတွေ၊ လက်နက်ကြီးနဲ့ ရမ်းပစ်တာတွေ၊ လူမဆန်စွာ နှိပ်စက်ညှဉ်းပမ်း အစုလိုက်အပြုံလိုက် သတ်ဖြတ်တာတွေ ကျေးလက်မှာသာမက မြို့ပေါ်တွေမှာပါ ရက်ရက်စက်စက် လုပ်လာတယ်။ ဒါ‌တွေဟာ အသစ်အဆန်းတော့ မဟုတ်ပါဘူး။ ၁၉၅၈ အိမ်စောင့်အစိုးရခေတ်က လုပ်နည်းတွေပါပဲ။ ကွန်မြူနစ်ချေမှုန်းရေး စစ်ဆင်ရေးကြီးတွေ ထိုးစစ်ကြီးတွေလုပ်ပြီး ရက်ရက်စက်စက် သတ်ဖြတ်ပြပြီး လူထုကို ကြောက်အောင်လုပ်တဲ့နည်းကို အဲဒီကတည်းက ဗိုလ်နေဝင်းနဲ့ ဖဆပလဆိုရှယ်လစ်တွေ လုပ်ခဲ့တာပါ။ ဖမ်းမိတဲ့ ကွန်မြူနစ်ခေါင်းဆောင်တွေ တောထဲမှာပဲ သတ်မိန့်ပေးထားတာပါ။ ကြံ့ခိုင်ရေးတို့ ပျူစောထီးတို့ ကာကွယ်ရေးတို့ဆိုတာတွေလည်း အဲဒီတုန်းကလုပ်နည်းတွေပါ။ အိမ်စောင့်အစိုးရဆိုပြီး မင်းအောင်လှိုင် ဝန်ကြီးချုပ်လုပ်လာတာလည်း အဲဒီတုန်းက လုပ်နည်းအတိုင်းပါပဲ။ အဲဒီကတည်းကစလို့ ဗိုလ်နေဝင်းနဲ့ စစ်အုပ်စုဟာ တလက်ကိုင်ကြေးစားတပ်အားကိုးနဲ့… Read More »

(သခင်ဘဟိန်းကွယ်လွန်ခြင်း ၇၅ နှစ်မြောက် အထိမ်းအမှတ်)

(သခင်ဘဟိန်းကွယ်လွန်ခြင်း ၇၅ နှစ်မြောက် အထိမ်းအမှတ်)မော်ကွန်းတိုက်သုတေသီတဦး(၁)”တော်လှန်ရေး မဆုံးမီ ကွယ်လွန်ရရှာသည့် – အယ်ဒီတာချုပ်- ရဲဘော်ဘဟိန်း” ဆိုတဲ့ ခေါင်းစီးနဲ့ သခင်ဘဟိန်းကွယ်လွန်မှု ဝမ်းနည်းအထိမ်းအမှတ် စာတမ်းကို “ပြည်သူ့အာဏာ” အတွဲ ၂၊ အမှတ် ၂၀။ (၂၃-၁၁-၄၆) မှာ ဖော်ပြခဲ့တယ်။ငါတို့ ပြည်သူ့အာဏာ အယ်ဒီတာချုပ် ဖြစ်သော ရဲဘော်ဘဟိန်းသည် ၂၀ -၁၁-၄၆ ရက်နေ့နံနက် ၆ နာရီ အချိန်တွင် မန္တလေးမြို့ဆေးရုံကြီး၌ ကွယ်လွန်အနိစ္စရောက်ခဲ့လေပြီ။ရဲဘော်ဘဟိန်းသည် ငါတို့ဆရာဖြစ်သည်။ရဲဘော်ဘဟိန်းသည် ငါတို့ခေါင်းဆောင်ဖြစ်သည်။ထို့ကြောင့်ငါတို့သည် ယူကြုံးမရ တသဝမ်းနည်းခြင်းဖြစ်ကြရသည်။ ရဲဘော်ဘဟိန်းကွယ်လွန်ခြင်းသည် ငါတို့အဘို့ ကြီးစွားသော ဆုံးရှုံးခြင်းပင် ဖြစ်သည်။ငါတို့အဘို့သာလျှင်မဟုတ်သေး ဗမာပြည်အလုပ်သမား၊ လယ်သမား၊ ဆင်းရဲသားနင်းပြားလူထုကြီးအ ဘို့ရာတွင်လည်း ဆုံးရှုံးခြင်းဖြစ်ပေသည်။ ရဲဘော်ဘဟိန်း ရှိစဉ်အခါက အလုပ်သမား၊ လယ်သမား၊ ဆင်းရဲသား၊ နင်းပြားလူထုကြီး၏ အကျိုးကို ကျောင်းသားဘဝကတည်းကပင် ရဲရဲကြီးရှေ့ဆောင်ခဲ့ သည်။၁၃၀၀ ပြည့်အထွေထွေသပိတ်ကြီးပေါ်ခဲ့ရာ ရဲဘော်ဘဟိန်းသည် ရေနံမြေသို့ သွားရောက်ခါ ရေနံမြေ အလုပ်သမားတို့၏ သပိတ်ကြီးကိုခေါင်းဆောင်လုပ်ခဲ့၍ ပထမဦးစွာနယ်ချဲ့သမား၏ အကျဉ်းထောင်အ တွင်း၌ ကျရောက်သက်ဆင်းခဲ့ရသည်။ ထောင်တွင်းမှာ… Read More »