ရှုပ်နေတာတွေကို ရှင်းအောင် ခွဲပြီး ကြည့်ရမှာပါ။
ငြိမ်းချမ်းရေးစကားပြောနေချိန် စစ်ပွဲတွေ တခြိမ်းခြိမ်း။ သေနတ် အမြောက်သံတွေ တအုန်းအုန်း။ မြေလုထားသူတွေက စစ်အာဏာပိုင်တွေ၊ သူတို့အဆွယ်အပွားတွေချည်း။ ဘယ်မြေကိစ္စကိုမျှ အလွယ်တကူ လျှော့ပေးတာ လိုက်လျောတာ မရှိ။ မြေကြီးဆိုရင် လက်ထဲ ဆုပ်မိရင် ဖုန်မှုန့်လေး တမှုန်ကအစ ပြန်မစွန့်နိုင်တဲ့ သူတွေ။ အာဏာစွန့်ဖို့ဆိုရင် ဝေလာဝေး။ သူတို့ကိုယ်တိုင် လုယက်နေတဲ့ ကိစ္စကို ပြောမနေနဲ့ မိုးထိမိုးမိမှာ လုပ်ငန်းပိုင်ရှင်နဲ့ အလုပ်သမားတွေကိစ္စမှာ လုပ်ငန်းပိုင်ရှင်နဲ့ အာဏာပိုင်တွေ ပူးပေါင်းပြီး အတိဒုက္ခရောက်နေတဲ့ အလုပ်သမားမိသားစုတွေကို မညှာတာ မထောက်ထား ဘယ်လို ညစ်ပတ်ဒုက္ခပေးနေကြသလဲ ဆိုတာကြည့်။
နယ်လှည့်ပါးရိုက်တဲ့ ဝန်ကြီးရဲ့ (ဖက်ဆစ်ဆန်တဲ့စကား) နဲ့ ပွဲဆူအောင်လုပ်ထားပြီးသမီးကလေးကျေးရွာမှာ (ဖက်ဆစ်ဆန်တဲ့) လုပ်ရပ်တွေ တဆင့်တိုးလုပ်ဖို့ ပြင်လာကြတယ်။
တပြည်လုံးကို သူတို့ကိုယ်တိုင်က ဆူဆူပူပူ ဖြစ်တဲ့ အခြေအနေ ဖန်တီးရင်းက သမ္မတက နိုင်ငံရေးအင်အားစုတွေက ဆူပူအောင် ဖန်တီးနေတယ်ဆိုတာမျိုး ပြောထွက်လာတယ်။ ဘုရင့်နှုတ်ထွက်စကား (ဆုံးမလိုက်) ဆိုတာ ပါးကွက်သားတွေအတွက်(သတ်စေ) ဆိုတဲ့ အမိန့်တော်အဖြစ် ပြောင်းသွားအောင် ပြောလိုက်တာပါ။ ၂၀၁၅ အကြို အတိုက်အခံ နိုင်ငံရေးအင်အားစုများအပေါ် နှိပ်ကွပ်မှုလုပ်ဖို့ အချက်ပြတာမျိုးလည်း ဖြစ်ကောင်းဖြစ်နိုင်တယ်။ အကြမ်းဖက်မှုတွေ အဆင့်လိုက်လုပ်ဖို့ သူတို့ဘက်က အသေအချာ လူသူစုဆောင်း ပြင်ဆင်ထားတာကလည်း အသေအချာပဲ။
တိုင်းရင်းသား လက်နက်ကိုင်အင်အားတွေကို သွေးခွဲ၊ ရဟန်းသံဃာတွေကြား သွေးခွဲ၊ ကျောင်းသားတွေကြား သွေးခွဲ။ (ဘောလုံးပွဲနဲ့ သွေးခွဲတာကို ကြည့်ပါ) ပြည်သူကြားသွေးခွဲတာကတော့ ဘာသာရေးအဓိကရုဏ်း ဖန်တီးတာမျိုး၊ လူမျိုးရေးအဓိကရုဏ်း ဖန်တီးတာမျိုးကတဆင့် လုပ်နေကြတယ်။
လက်ပံတောင်းတို့၊ မိုးထိမိုးမိတို့၊ သမီးကလေးကျေးရွာတို့…စတဲ့နေရာတွေမှာ အလုပ်သမား လယ်သမား ဆန္ဒထုတ်ဖော်မှုတွေ တိုက်ပွဲတွေကို ကြမ်းကြမ်းရမ်းရမ်း ကိုင်တွယ်နေတဲ့အချိန် ပျော့ပျောင်းမှုကို ရှာဖွေနေကြတဲ့ လွှတ်တော်တွင်း ဝင်ပြင်ရေးသမားတွေ မှိန်မှိန်ရေးရေး မြင်နေရတာလေးကို လမ်းစအဖြစ် ရှေ့တိုး ရှာဖွေနေကြတယ်။ နယ်လှည့်ပါးရိုက်သူကို အရေးယူဖို့ လွှတ်တော်တွင်း တင်တာတောင် စောင့်ကြည့်ဦးမယ်လို့ ပြောမှာပေါ့၊ ပိန်မသာ လိန်မသာတွေ၊ ဗျိစုံနဲ့ ဗျုံစိ။ ၂၀၀၈ ဖွဲ့စည်းပုံပြင်ရေးကလည်း လွှတ်တော် ရေစိုင်ဝဲထဲမှာ ချာချာလည်ရင်း လူတချို့ကို စုပ်ဝဲထဲ ဆွဲယူနှစ်မြှုပ်ပစ်လိုက်လိမ့်မယ်။
တဆင့်ထက်တဆင့် ပိုပိုဆိုးတဲ့ အရှုပ်အထွေးတွေ ၂၀၁၄၊ ၂၀၁၅ ခုနှစ်အတွင်း ဒီလှိုင်းတွေလို ဆင့်ကဲဆင့်ကဲ တက်လာလိမ့်မယ်။ လှိုင်းလုံးတွေ တလုံးချင်းလာတာ ဖြစ်ချင်ဖြစ်မယ်။ လှိုင်းလုံးတွေ အလုအယက် ပြိုင်ဆိုင်တက်လာတာလည်း ဖြစ်ချင်ဖြစ်မယ်။
စာဖတ်သူကြီးက နောက်ကွယ်ကနေ ကြိုးကိုင်ထားတာ ဖြစ်ချင်ဖြစ်မယ်။ ဒါပေမဲ့ ပိုရှင်းအောင် ကြည့်မယ်ဆိုရင်တော့ ဒါတွေအားလုံး စစ်အုပ်စုနဲ့ စစ်အာဏာရှင်စနစ်က ဖန်တီးနေတာ။ ဘယ်သူတက်တက် ဘယ်သူပြုတ်ပြုတ် စစ်အာဏာရှင်စနစ် မချုပ်ငြိမ်းသမျှ ဗမာပြည် တပြည်လုံး ဒီဒုက္ခတွေ ခံနေကြရဦးမှာ။
နောက်ကွယ်က ကြိုးကိုင်ထားနေတာ စာဖတ်သူကြီး တဦးတည်းမဟုတ်ဘူးဆိုတာ အထူးသတိပြုဖို့ လိုပါတယ်။ ဘာသာရေး လူမျုိုးရေးတွေ ပဋ္ဋိပက္ခတွေ စစ်အုပ်စုက ကိုင်တွယ်ပြီး နိုင်ငံရေးကစားနေသလို အင်အားကြီး နိုင်ငံတချို့ကလည်း လူမျိုးရေး၊ ဘာသာရေး မိုင်းဗုံးတွေမှာ စနက်တံကြိုးကို အသင့်ကိုင်ထားနိုင်ဖို့ လုံးပန်းနေကြတယ်။ သူတို့လက်ထဲ စနက်တံဆွဲမယ့် ကြိုးစကို လက်ကမ်းပေးမယ့်သူဟာ ကိုယ့်ပြည်တွင်းက အစိုးရထဲက အစိတ်အပိုင်းရော နိုင်ငံရေးအင်အားစုထဲက အစိတ်အပိုင်းရော ဖြစ်နိုင်ခြေ ရှိနေတာ စိတ်မကောင်းစရာ မြင်တွေ့နေရတယ်။ အာရှ ပစိဖိတ် သြဇာအာဏာနဲ့ အင်အား ပြိုင်ဆိုင်ပွဲမှာ ဗမာပြည်ဟာ ကျွဲ ၂ ကောင် ခတ်တဲ့ ကြားက မြေဇာပင် ဖြစ်သွားဖို့ကတော့ အချိန်စောပါသေးတယ်။ ဒါပေမဲ့ ပလိုင်းထဲက ဖားလို …လိုတဲ့အချိန်မှာ ထုတ်ရိုက်နိုင်အောင် ဗမာပြည်ကို အနီးက ကြိုးတွေရော အဝေးက ကြိုးတွေရော အပိုင်ချည်နှောင်ထားဖို့ လုံးပန်းနေကြလေရဲ့။ အလွယ်တကူ မမြင်သာတဲ့ ကြိုးတွေပါ။