ကနေဒါကွန်မြူနစ်ပါတီဗဟိုကော်မတီ
၂ဝ၁၆ ခုနှစ်၊ ဧပြီ ၂၃။
အားလုံးသောကွန်မြူနစ်နှင့်အလုပ်သမားပါတီများ၊ အမျိုးသားလွတ်မြောက်ရေးနှင့်တော်လှန်ရေးအဖွဲ့အစည်းများသို့
ချစ်လှစွာသော ရဲဘော်များခင်ဗျား-
ကနေဒါကွန်မြူနစ်ပါတီ၏ ၃၈ ကြိမ်မြောက် ကိုယ်စားလှယ်စုံအစည်းအဝေးကြီးကို ကနေဒါနိုင်ငံတိုရန်တိုမြို့တွင် ၂၀၁၆ ခုနှစ် မေလ ၂၁ ရက်မှ ၂၃ ရက်နေ့အထိ ကျင်းပမည်ဖြစ်ကြောင်း အကြောင်းကြားအပ်ပါသည်။
ဤအစည်းအဝေးကြီး၏ အဓိကလုပ်ငန်းမှာ ဆိုးဝါးလာနေသော ကမ္ဘာ့စီးပွားရေးနှင့်လူမှုရေးအကျပ်အတည်း၊ နေတိုးနှင့်သူတို့၏ နယ်ချဲ့စစ်ပွဲများတွင် ကနေဒါက ဆက်လက်ပါဝင်နေမှုနှင့် ရာသီဥတုပြောင်းလဲခြင်း၊ သဘာဝပတ်ဝန်းကျင်ပျက်စီးခြင်းတို့ကို ဆက်လက်ဥပေက္ခာပြုမှုဟူသော အခြေအနေများတွင် လက်ရှိကနေဒါနိုင်ငံမှ နိုင်ငံရေးအခြေအနေ၊ ငြိမ်းချမ်းရေး၊ အလုပ်ရရှိရေး၊ အချုပ်အခြာအာဏာပိုင်ရေးနှင့် ဆိုရှယ်လစ်အရေးတို့ကို လေ့လာကြမည် ဖြစ်ပါသည်။
ဤအစည်းအဝေးကြီးက ကျန်းမာရေးကြောင့် ယခုနှစ် ဇန်နဝါလအတွင်း၌ ပါတီတာဝန်မှ အနားယူသွားသော ကနေဒါကွန်မြူနစ်ပါတီခေါင်းဆောင် မီဂယ်ဖီဂရား (Miguel Figueroa) အား ဂုဏ်ပြုရန် အစီအစဉ်လည်း ပါဝင်ပါမည်။ ကနေဒါကွန်မြူနစ်ပါတီ ခေါင်းဆောင်အဖြစ် ၁၉၉၂ ခုနှစ်မှ ၂ဝ၁၅ ခုနှစ်အထိ ထမ်းဆောင်ခဲ့သော ရဲဘော်ဖီဂရားသည် ကွန်ဆာဗေးတစ်အစိုးရက ဥပဒေပြဋ္ဌာန်းပြီး ပါတီ၏ ဥစ္စာပစ္စည်းများနှင့် ကနေဒါရွေးကောက်ပွဲများတွင် ပါဝင်နိုင်သော တရားဝင်ရပ်တည်ခွင့်တို့ကို ဆုံးရှုံးအောင်လုပ်ရန် ကြိုးပမ်းချက်များကို တိုက်ဖျက်ရာ၌ ခေါင်းဆောင်ခဲ့ပါသည်။ ဖွဲ့စည်းပုံဥပဒေရေးရာ စိန်ခေါ်မှုများနှင့် ၁ဝ နှစ်ကြာ လှုပ်ရှားမှုများကြောင့် ပါတီသည် ၂ဝဝ၃ ခုနှစ်တွင် တရားဝင်ပါတီအဖြစ် ပြန်လည်ရပ်တည်နိုင်ခဲ့ပါသည်။
ရဲဘော်ဖီဂရားသည် ၁၉၈၉-၉၂ ခုနှစ်ကာလဆီက ပါတီဖျက်သိမ်းရန် လုပ်ဆောင်ခြင်းများကို ဆန့်ကျင်တိုက်ပွဲဝင်ပြီး ၁၉၉၁ ခုနှစ်တွင်ဖျက်သိမ်းခံရသော ကွီဘက်ကွန်မြူနစ်ပါတီအား ၁၉၉၁ ခုနှစ်တွင် ပြန်ထောင်နိုင်စေခဲ့သည်။ သူသည် ဖက်ဒရယ်ရွေးကောက်ပွဲ ၈ ခုတွင် ကနေဒါကွန်မြူနစ်ပါတီအား ခေါင်းဆောင်ခဲ့ပြီး ၂ဝဝ၁ ခုနှစ်တွင် “ကနေဒါ၏အနာဂတ်မှာ ဆိုရှယ်လစ်စနစ်ဖြစ်သည်”ဟူသော ကနေဒါကွန်မြူနစ်ပါတီ၏ အခြေခံလုပ်ငန်းစဉ်ကို ပြန်လည်ရေးသားပြုစုရာတွင် ခေါင်းဆောင်ခဲ့သည်။
၂ဝ၁၆ ခုနှစ် ဇန်နဝါရီလတွင် ဗဟိုကော်မတီက ကနေဒါကွန်မြူနစ်ပါတီ၏ ခေါင်းဆောင်အဖြစ် ပထမဆုံးသော အမျိုးသမီးကို ရွေးချယ်တင်မြှောက်ခဲ့သည်။ ဗဟိုကော်မတီအဖွဲ့ဝင်အဖြစ် နှစ်ပေါင်းများစွာ တာဝန်ထမ်းဆောင်ခဲ့သော ရဲဘော် အဲလစ္စဘက်ရောင်လီ (Elizabeth Rowley) ဖြစ်သည်။ ရဲဘော်ရောင်လီမှာ ၁၉၈၈ ခုနှစ်ကတည်းက ပါတီ၏ အွန်တေရီယို ပြည်နယ်ခေါင်းဆောင် ဖြစ်ခဲ့ပြီး ၁၉၉ဝ စုနှစ်များ အတွင်းက ပါတီဖျက်သိမ်းရေး လုပ်ဆောင်မှုများကို ဆန့်ကျင်တိုက်ပွဲဝင်ရာတွင် အရေးပါသူတဦး ဖြစ်သည်။ သူသည် ပြည်သူ့အသံတွင်လည်း ဆောင်းပါးမျိုးစုံ ရေးသားခဲ့သည်။
တိုက်ပွဲဝင်သစ္စာဖြင့်
ဗဟိုအလုပ်အမှုဆောင်ကော်မတီ
ကနေဒါကွန်မြူနစ်ပါတီ