မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး၏ (ဆယ်) ကြိမ်မြောက် ညီလာခံသို့ ပေးပို့သည့် ဗမာပြည်ကွန်မြူနစ်ပါတီ၏ ဂုဏ်ပြုသ၀ဏ်လွှာ

By | March 6, 2014

သို့
မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF)

ရက်စွဲ- ၂၀၁၄ ခုနှစ်၊ မတ်လ ၆ ရက်နေ့။
အကြောင်းအရာ။ ။ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး၏ (ဆယ်) ကြိမ်မြောက် ညီလာခံသို့ ဗမာပြည်ကွန်မြူနစ်ပါတီ၏ ဂုဏ်ပြုသ၀ဏ်လွှာပေးပို့ခြင်း။

လေးစားအပ်တဲ့ရဲဘော်များခင်ဗျား –

ဦးစွာအားဖြင့် ရဲဘော်တို့၏ ဤအရေးပါလှသော ညီလာခံကြီးသို့ ကျွန်တော်တို့အနေဖြင့် သ၀ဏ်လွှာပေးပို့ရသည့်အတွက် ၀မ်းမြောက်ဂုဏ်ယူကြောင်း ပြောကြားလိုပါသည်။

ယနေ့အခါ မြန်မာနိုင်ငံ၏ နိုင်ငံရေးအခြေအနေမှာ လွန်စွာမှ ရှုပ်ထွေးပြီး ပြည်တွင်းပြည်ပမှ ဂယက်မျိုးစုံတို့ကြောင့် မှိုင်း-မှုံ-ဝေနေသော အနေအထား ဖြစ်ပေသည်။ ခြေလှမ်းမှားလျှင် သမိုင်းတရားခံပင် ဖြစ်သွားနိုင်သည်။ ဖွဲ့စည်းပုံအခြေခံဥပဒေပြင်ဆင်ရေးလို နိုင်ငံအတွက်အရေးပါသည့် လုပ်ငန်းများကို လတ်တလောဖြေရှင်းရန် လိုအပ်နေသလို မြေအလုခံရခြင်း၊ ဆန္ဒပြသဖြင့် အဖမ်းခံရခြင်း စသည့်လက်တွေ့ ပြဿနာများကလည်း ထိပ်တန်းတက်နေသည့်ကာလ ဖြစ်သည်။ အခြားတဖက်တွင်မူ ဦးသိန်းစိန် စစ်တပိုင်းအစိုးရသည် ငြိမ်းချမ်းရေးဆွေးနွေးပွဲ ဇာတ်မျောကြီးဖြင့် အချိန်ဆွဲ လှည့်စားနေခြင်းများလည်း ရှိနေပေသည်။

ထို့ကြောင့် ဤသို့သောအချိန်တွင် မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦးက ဤညီလာခံကိုကျင်းပခြင်းမှာ လွန်စွာမှအနက်အဓိပ္ပာယ်ရှိ၍ အရေးလည်းပါလှပေသည်။ ဤညီလာခံကြီးမှ ပြည်သူလူထုနှင့်အတူရပ်တည်ခြင်း၊ စစ်မှန်သည့်ဒီမိုကရေစီရေးအတွက် လှုပ်ရှားရုန်းကန်ခြင်းဆိုသည့် အခြေခံများ အပေါ်တွင် မြဲမြဲမြံမြံရပ်တည်ကာ ထိရောက်အောင်မြင်နိုင်မည့် နည်းပရိယာယ်ရေးလမ်းစဉ်များကို ချမှတ်သွားနိုင်မည်ဟု မျှော်လင့်ပါသည်။

မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး၏ (ဆယ်) ကြိမ်မြောက်ညီလာခံ အောင်မြင်ပါစေ။

မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး၏ ဂုဏ်ပြောင်သည့်အစဉ်အလာများ ထိန်းသိမ်းသွားနိုင်ပါစေ။

မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦးနှင့် ဗမာပြည်ကွန်မြူနစ်ပါတီတို့ အကြားမှ တိုက်ပွဲဝင်ချစ်ကြည်မှု အဓွန့်ရှည်ပါစေ။

ဗဟိုစည်းရုံးရေးကော်မတီ
ဗမာပြည်ကွန်မြူနစ်ပါတီ

Leave a Reply

Your email address will not be published. Required fields are marked *